Չեմ
կարող չնշել ԵՊՀ «Վարդանանք» ՌՀԴ ակումբի «Ոչ ոք չի մոռացել, ոչինչ չի
մոռացվել» խորագրի շրջանակներում կազմակերպած ԵՊՀ զոհված ազատամարտիկներին
նվիրված միջոցառումներին նրա ակտիվ մասնակցությունը, որով նա ոգևորում է
ուսանողներին և սփոփում ազատամարտիկների ընկերներին, հարազատներին,
ծնողներին: Ս. Օհանյանի անմիջական հովանավորությամբ ԵՊՀ «Վարդանանք» ՌՀԴ
ակումբն արդեն երրորդ անգամ համալսարանական զոհված ազատամարտիկների
հարազատների, որդիների և համալսարանական այլ ուսանողների հետ միասին
ուխտագնացություն է կազմակերպում դեպի Արցախ: Ուխտագնացները այցելում են
նաև զորամասեր, հանդիպում զինվորներին: Այն հոգատարությունը և
ուշադրությունը, որով նա շրջապատում է զոհված ազատամարտիկների ծնողներին և
հարազատներին, միայն հարգանքի է արժանի:
Անբիծ անցյալ, հռետորական
խոսք, պատկառելի արտաքին, ժամանակին համընթաց մտածելակերպ և արդի
պահանջներին հարիր աշխատաոճ: Սա այն է, ինչ մեզ պետք է, և հրաժարվել նման
նախարարից անմտություն է, և կարող է անդառնալի հետևանքներ ունենալ մեր
բանակի համար:
Հարգելի պրն. Օհանյան, երիտասարդությունը Ձեր կողքին է
և չի ուզում հրաժարվել Ձեր նման Նախարարից, մեր բանակը Ձեր նման առաջնորդի
կարիք ունի: Թույլ չտանք, որ որոշ «մոլորյալների» սխալների հետևանքով
տուժի մեր բանակը:
